Jan khyllem bad pyut ki post eletrik ha Natbor

Syllad | The Rising MeghalayaJune 5, 2020

Ka Southern Border Youth Welfare Association (SBYWA), Elaka Rymbai & Lakadong, East Jaintia Hills District hapoh ka jingialam khmat u Namphrangmi L Talang, general secretary ha ryngkat ki dkhot ba kynthup ia u S Biam bad u W Syrti ki la leit ban iakynduh ia u Executive Engineer, Meghalaya Power Distribution Corporation Limited (MePDCL), Khliehriat Distribution Division ban dawa bujli ia ki post light kiba don ha shnong Natbor kiba la jan khyllem bad bvam sarang.

Ka SBYWA kala pynpaw ba kitei ki post light ki lah ban khyllem ha kano kano ka por bad kan wanrrah jingma jingmynsaw iaki nongshong shnong lada ym kylliang ne bujli iaki, kumta ka SBYWA kala banjur ia ka tnad MePDCL ban bujli noh ia kitei ki post eletrik.

Nalor kata ka SBYWA kala dawa ban bujli ia u post light haka shnong Umlyngsha uba la jan khyllem artad.

Nakaliang u EE, MePDCL u la kular ban shimkhia ban bujli hapoh kine ki khyndiat sngi.