JHADC: Aiti ka Delimitation Committee iaka kaiphod ba pura

Syllad | The Rising MeghalayaJuly 30, 2024

Ka Delimitation Commiteee jong ka Jaintia Hills Autonomous District Council (JHADC) kala aiti iaka kaiphod kaba pura ka jong ka sha u Chief Executive Member, JHADC ma Thombor Shiwat halor ka jingpynbeit thymmai iaki MDC constituencies ka konsil.

Kane ka delimitation commmittee kaba la thung naduh 20 tarik Naiwieng 2023 kaba khlieh da u Dr. Dakyntuhimi Lyngdoh, Asst. Professor kum u chairman kala pyndep iaka jingpynsngew paidbah ha baroh ar tylli ki district – ka East Jaintia Hills District bad West Jaintia Hills District na ka bynta ban pynbeit thymmai iaki shnong kiba hap ha ki 29 tylli ki MDC constituency jong ka JHADC.

Kumban shu pynkynmaw ba iaka draft jong ka delimitation of JHADC Constituencies draft la pyllait paidbah da ka committee haka 4 tarik Naitung bad kala dep ruh ban pynlong iaka jingpynsngew paidbah ha Amlarem, Jowai bad Khliehriat dangshen bad kiba bun ki shnong kila pynpaw iaka jingpyrshah halor ka jingpynbeit thymmai iaki constituency MDC.

Dei namar kane ka jingphiah constituency, ka sorkar kala rai ruh ban pynjlan iaka samoi treikam jong ki ar tylli ki konsil, kata ka JHADC bad ka KHADC, kaba ka samoi jong ki kala kut naduh ka 5 tarik Lber 2024, hynrei ki konsil kila pan por 6 bnai ban bteng iaka samoi treikam jong ki bad ka sorkar kala rai ban pynsangeh shuwa iaka MDC election.

90% kiba pyrshah iaka jingphiah MDC Constituency ka JHADC

Na kaliang u CEM, JHADC Ma Thombor Shiwat, ula pyntip ba kin shong jingialang executive committee shuwa bad hadien yn rah hapoh ka dorbar ban ioh iaka mynjur halor ka jingpynbeit thymmai iaki constituency, iaka tarik kaba thikna yn pynbna hadien.