JHADC Election: Poi ka vote haduh 1056 ha Bataw, 1597 ha Wapungskur haka jingthep vote biang

Syllad | The Rising MeghalayaFebruary 22, 2025

Ka jingthep vote biang ha ki saw tylli ki jaka thep vote ha ka shnong Wapungskur kaba hap haka Musniang Rangad Constituency bad Bataw kabahap ha Bataw Lakadong Constituency kala long kaba iaid beit iaid ryntih haka 22 tarik Rymphang hapdeng ka jingpahara kaba jur jong ki bor pulit haka jingiadonlang u District Magistrate bad ADM ka East Jaintia HIlls District.

Kane ka jingthep vote biang kala jia long namar ka jingshah thombor ki jaka thep ha ki runar kiba la pynpait pynpra iaki kor EVM haduh saw tylli, kaba la pynlong iaka tnad DCA ban hukum ban pynlong biang iaka jingthep vote.

Ka jingwan poi ki nongthep vote ha kine ki saw tylli ki polling station kaba kynthup iaki shynrang bad kynthei kala kynjoh 84.10 percent ha Wapungskur, kata ki nongthep vote shynrang kila wan 784 na ka 921 vote, katba ki kynthei ka vote kaba la poi ka long 813 naka 978. Baroh ka vote ka don 1899 vote bad kiba thep ka long 1597.

Haba phai sha ka shnong Bataw ka jingwan ki nongthep vote kala long 78.98 percent. Ki shynrang kiba la wan thep vote ki don 531 vad kynthei 525. Baroh ka vote kaba la thep ka long 1056 naka 1337 vote