JHADC: Ki Waheh Shnong kim dei ban ai NOC klumar ban khaii pateng ki bar jylla

Syllad | The Rising MeghalayaJuly 15, 2020

Ka Executive Committee jong ka Jaintia Hills Autonomous District Council (JHADC) ka la bthah baroh ki Waheh Shnong na East bad West Jaintia Hills District ban iatreilang bad ka konsil ban khanglad iaka jingtreikam beain ki bar jylla hapoh u pud u ang jong ka konsil.

Katkum ka jingpynbna kaba la pynmih ka Kong E Shylla, Deputy Secretary, Executive Committee, JHADC kala ong “Ka Executive Committee kala bthah ia baroh ki Waheh Shnong ba kidei ban iatreilang bad ka ophis District Council na ka bynta ban pyrkhing iaki bar Jylla katkum ka Jaintia Hills Autonomous District (Trading by non-tribal) Regulation (Act) 2011 bad ka Jaintia Hills Autonomous District bad (Trading by non-tribal) 2015 na ka bynta kito ki bar Jylla ba wan khaii bad bylla sngi khlem ka trading license bad non-tribal Employees Service.

Ka EC kala bthah iaki Waheh Shnong ban buh jingkhien ia ki dukan bad ki nongtrei bar jylla bad ban phah kyrteng iaki bar jylla ba don haki shnong sha ophis jong ka Council khnang ba ophis kan ioh leh kaba donkam.

Ki waheh Shnong kim dei ban ai N.O.C klumar naka bynta ban khaii pateng hapoh u pud u sam ka shnong khlem da ioh jingshai naka Ophis District Council bad ba ki dei ban ai ka jingiarap ia ki briew jong ka Ophis ban pyntip lada don bad lap ia kino kino kiba leh Benami ha ki shnong jong ki bad ban kohnguh ia kane la jingbthah ba la pynmih daka District Council kat kum ka Jaintia Hills Autonomous Disurict Council Waheh Shnong Act, 2015.”