Jied ka VPP ia u Dr Juristman kum u kyrtong ha ka elekshon MDC ka ban wan na Nongstoin

Syllad | The Rising MeghalayaJanuary 8, 2025

Ka Voice of the People Party (VPP) ka la jied ia u Dr. Juristman Iawphniaw kum u kyrtong u ban mih ia aireng ha kane ka elekshon ka ban wan sha ka Khasi Hills Autonomous District Council (KHADC) napoh Nongstoin constituency.

Na ka liang ka party ka la pynbna ruh ba la pynkut noh ha kaba iadei bad ka jingjied ia u Bah Marbiang Nongsiej.

Lyngba u kyrwoh ba la pyllait ha ka 7 tarik Kyllalyngkot, ka party ka pyntip ruh ba kane ka jingshim rai ka long na ka bynta ka bha ka miat bad ki jingmyntoi jong ka party bad ki paidbah hi baroh.