Jied nongkitkam thymmai ka NPP hadien ba phet seng ki nongialam ha East Jaintia Hills

Syllad | The Rising MeghalayaFebruary 8, 2023

Sa tang 20 sngi ba ka Jylla kan jied iaki nongmihkhmat sha ka dorbar thawain ka jylla haka 27 tarik Rymphang, ki katto katne ki nongialam ka National People’s Party (NPP), East Jaintia Hills District kila phet seng bad iehnoh iaka jinglong dkhot haka sngi Nyngkong.

Ka kyrtong National peoples’ Party (NPP) na Sutnga Saipung Kong Santa Marry Shylla haka sngi ba Ar mar mar kala lum iaka jingialang kyrkieh bad jied iaki nongialam ba thymmai ban tehsong iaka party hapoh ka District.

Ki nongialam thymmai ki kynthup ia u MDC ka Sutnga Narwan u Seiborlang Shadap la jied ia u kum District President, u Working President Ma Joinriwel Pyrtuh bad ka kam General Secretary NPP u MDC Bataw Lakadong Dr Sankey Shangpung.

Katba ïa NPYF la jied president ïa Emlangky Lamare MDC Narpuh Constituency, General Secretary Rio Shadap, Working President Defender Pakem bad Kermiky Dkhar.

La jied ïa vice president ïa u Daiapherbha Lamare, Assistant Secretary, Merary Sutnga.

Ha kane ka sngi la jied ruh iaki nongkitkam ka 5-Sutnga Saipung Block, NPYF President Syrosse Lamare, Assistant Secretary Metipbha Supooh bad jong ka

Ka kong Santa Mary Shylla kala ong ba ka jingiehnoh kam ki katto katne ki dkhot bad nongialam ka National People’s Party (NPP) ba kynthup iaka NPYF ka long ka jingkyrkhu iaka party.

Kala ong ruh ba kane ka jingïehnoh kam jong ki katto katne, kam pyntlot satia ïa ka party namar ki nongkyrshan ka party ki nangbun kat dang iaid ki sngi.