Jied nongkitkam thymmai ka Rotary Club Jowai

Syllad | The Rising MeghalayaJuly 3, 2022

Ka Rotary Club Jowai haka sngi Saitjain kala jied iaki nongkitkam thymmai jong ka na ka bynta u snem 2022-23.

U Rtn Samehi Laloo ula shah jied kum president Rotary Club Jowai na ka bynta ka samoi treikam 2022-23.

Ia kane ka jingjied nongkitkam kaba 27th Installation Ceremony la pynlong ha iing dorbar ka dorbar shnong Loomsooiung, Newhill, Jowai.

U Rtn. Vincent H Pala ba long ruh u MP ka Shillong Parliamentary ula iadonlang ha kane ka jingpynskhem nongkitkam kum u kongsan haka jingialang kaba pynïaid da u Rtn. Montre Passah IPP.

U Rtn Pala ula ong ka jingdon hapoh ka Rotary Club kadei ka lad ka kabu ban wanrah ïa kata ka jingsngew ïajan jong ki briew na kawei ka ri sha kawei ka ri. Ula kitbok kitrwiang ia ki nongialam ba thymmai ka Rotary Club Jowai ba kan nang shuh shuh ban pyntyllun janai iaki kam ki jam ka kynhun.

Kiwei de kiba la donlang ki kynthup ïa ka Rtn EF Gatphoh, Charter President, Rtn. DF Majaw, Rtn R Nongtdu, u Rtn SKLato, u Rtn Dr Kamwadae Syngkon bad u Rtn Dr DI Kjam uba la ai ki kyntien khublei.

Kiwei kiwei ki nongkitkam ki dei Rtn. Deibormi Toi, President Elect, Rtn. Mewothi Gatphoh, Vice-President, Rtn. Dr. Kamwadae Syngkon, General Secretary, Rtn. Lakhon Laloo, Treasurer, Rtn. Fencing Syrti, Sergeant at Arm, Rtn. E.F.Gatphoh, Foundation & Club Trainer, Rtn. D.F.Majaw, Director Club Service, Rtn. S.K.Lato, Community Service & Bulletin Editor, Rtn. Reuveny Nongtdu, Vocational Service, Rtn. B.Lytan, Club International Director, Rtn. B.Paka Najiar, Youth Service Director bad u Rtn. Longda Bamon, Literacy Chair.