Jied nongniah cycle ha Jowai ban mihkhmat sha ka MTB Championship 2024
Ka West Jaintia Adventure & Cycling Association (WJACA) ryngkat ka Meghalaya Cycling Association (MCA) haka 13 tarik Naitung kila pynlong iaka State Selection Trial ha Jowai Khliehrymphum ha kaba ki khun samla kumjuh ki khynnah donsap kila wan ban iashim bynta.
Ha kane ka sngi la donlang u Waheh shnong ka Ladthadlaboh Aibanmanbha Shullai, u President Rotary Club Jowai u Rtn. Rudolf E. Laloo bad u Waheh dong Khliehrymphum Stranger Lamare, u President West Jaintia Adventure & Cycling Association Biangpor Shylla nalor kiwei kiwei.
![](https://www.syllad.com/wp-content/uploads/2024/09/JIT-Vacancy-823x1024.avif)
Iaka jingiakop la phiah haki kyrdan bapher kynthup ka kyrdan Junior, Sub-Junior, Youth, Elite Men & Women.
Ki nongjop haka kyrdan Junior ki long u Dalenmi Sana, Riboklang Lyngdoh Nonglait bad u Hubat Chuangsha M. Marak. Haka Sub-Junior u Daohi Dkhar, u John Rodrick B. Shadap bad u Mark Amazing Khyllait. Haka Elite Men u Kevinjohn Khyllait, Lambormi Phawa bad u Sharailang Basaiawmoit. Haka Elite Women ka Phyrnai Kyndait katba haka Youth la jop da u Kevin Lyngdoh Sangriang, Ewandame Mark Syiemlieh bad u Kerry Wahlang.
U Biangpor Shylla ula iathuh ba ki nongjop kin iohlad ban mihkhmat iaka Jylla sha ka MTB Championship 2024 ka ban long ha u bnai ban wan bad kum ka jingpynshlur iaki khynnah, ka MCA kala kular ban iarap iaki khynnah kiba khur takma ksiar, rupa bad rnong.
Ula pyntip ruh ba ka West Jaintia Adventure & Cycling Association kan bteng ban pynlong kum kine ki jait jingiakop hapoh ka district khnang ban sei shuh shuh iaki khynnah bad samla donsap.
![](https://www.syllad.com/wp-content/uploads/2024/07/Cyclist-1-jpg.avif)
![](https://www.syllad.com/wp-content/uploads/2024/07/Phyrnai-jpg.avif)
![](https://www.syllad.com/wp-content/uploads/2024/07/Cyclist-2-jpg.avif)
![](https://www.syllad.com/wp-content/uploads/2024/07/Cycling1-jpg.avif)
![](https://www.syllad.com/wp-content/uploads/2024/07/Cycling-2-jpg.avif)
![](https://www.syllad.com/wp-content/uploads/2024/07/Cycling-3-jpg.avif)
![](https://www.syllad.com/wp-content/uploads/2024/07/Cycling-jpg.avif)
Leave a Reply