Jingpynbeit iaid kali ha sor Jowai ha ka sngi niew vote MP Lok Sabha

Syllad | The Rising MeghalayaJune 1, 2024

Ban pynthikna ba kan ym don ka jingshah ktah ha ka leit ka wan jong ki kali ha ka sngi niew vote na ka bynta ka elekshon Lok Sabha 2024 ka ban long ha ka 4 tarik Jylliew, u Superintendent of Police ka West Jaintia Hills, Jowai u pyntip ba ka la don ka jingpynbeit thymmai ia ka rukom iaid kali ha kane ka sngi ha sor Jowai ka ban treikam naduh ka por 7:30 baje mynstep.

• Ym shah rung kali na ka surok Lad Thomas Jones ka ban lam sha DC Office.

• Ym shah rung kali na Tpep Pale sha Iawmusiang.

• Ym shah rung na Mission Compound Road shapoh Iawmusiang / DC Office

• Ym shah rung na HK Singh Tri Junction sha DC Office.

• Ym shah rung kali sha Dawki Stand DC Office.

Baroh ki kali kiba wan na ka liang Riatsiatsim kin shah pynkynriah sha Mynthong (Sha ka liang ka District Library).

Baroh ki kali kiba wan na na ka liang Khimnusniang / Jrisalein kin shah pynphai lyngba ka surok Chutwakhu.

Baroh ki kali kiba wan na ka surok New Hill / Shillong Road kin shah pynphai sha Kynruh Saphlang bad Thomas Jones.

Ha ka 4 tarik Jylliew 2024 baroh ki sawtylli ki jaka pynieng kali ha Iawmusiang kin shah pynkynriah naduh ka por 7 baje mynster shaneng.