Jingpynbeit iaid kali haka sngi niew vote ha sor Jowai

Syllad | The Rising MeghalayaFebruary 22, 2025

U Superintendent of Police, West Jaintia Hills District ula pyntip ba la pynbeit iaka rukom iaid kali ban suk ka leit ka wan haka sngi niew vote jong ka elekshon MDC sha ka Jaintia Hills Autonomous District Council (JHADC) haka 24 tarik Rymphang,

Katkum kane ka jingpynbeit yn ym shah rung ia ki kali na lad Thomas Jones sha Ophis DC, na Tpep-Pale sha Iawmusiang, na Mission Compound Road sha Iawmusiang/ Ophis DC, na H.K. Singh Tri-Junction sha Ophis DC, bad na Dawki Stand sha Ophis DC.

Baroh ki kali na Dulong/Tpep Pale kin hap iaid lyngba Tpep Pale by-pass sha Thomas Jones College Road.

Kan don ka jingpynkylla ia ka lynti iaid jong ki kali na ka liang Riatsiatsim sha Mynthong (Sha ka liang ka District Library) bad ka liang Khimmusniang/Jrisalein sha ka surok Chutwakhu bad ka liang jong ka New Hill / surok Jowai- Shillong sha Kynruh Saphlang bad surok Thomas Jones.

Ia baroh ki sawtylli ki jaka pynieng kali ha Iawmusiang yn pynkynriah noh naduh ka por 6 baje mynstep.