Jingpynbna iaki nongshong shnong ka Darrang

Syllad | The Rising MeghalayaJuly 22, 2020

Hadien bala pur ka khlam COVID-19 ha Amlarem Sub-Division, West Jaintia Hills District, u waheh shnong ka shnong Darrang u Bah Aliewsen Ryngksai Rangbah ha ryngkat ka committee shnong, kila pynmih iaka jingpynbna ban kyrpad iaki nongshong shnong kiba don shabar ka shnong ba sah shuwa sha ka jaka kaba ki don.

“Ha phi ki nongshongshnong ka shnong Darrang, kiba sah shabar shnong khamtam kiba sah sha shillong, Ri Bhoi, Jowai, sha ki thain Amlarem bad sha kiwei pat ki jaka ba phin sngewbha ban shong ban sah shuwa shipor sha ki jaka ba phi sah baroh shi katto lait noh ki kam kiba kyrkieh da ka jingpyntip shuwa sha u Rangbah/Secretary shnong. Kane ka long ban pynduna ka jingiarung iamih ki briew na kiwei ki jaka sha kane ka shnong bad ka long ruh kum shi bynta na kane ka jingialeh ban iakhun bad kane ka thma COVID-19.

La bthah ruh ia ki nongshongshnong kiba don hapoh shnong ba lada ki khreh ban mih napoh shnong ban leit jingleit sha kino kino ki jaka ba ki donkam, kin sngewbha ban pyntip shuwa sha u Rangbah shnong lane Secretary shnong khnang ban ioh leh ia kaba donkam.

Bit khlam COVID-19 lai ngut na Amlarem Sub Division

Kino kino ki bym dei trai shnong na kane ka shnong kiba leit donkam sha shnong Darrang kim bit ban rung hapoh shnong khlem da pyntip shuwa sha u Rangbah/Secretary shnong.

Meghalaya COVID-19: Seven villages declared Containment Zone in Amlarem Sub Division

Kiba leh pyrshah ia kane ka hukum kin ngat ha ka bor jong ka ain.”