Jingpynbna na ka Dorbar Shnong Khimusniang

Syllad | The Rising MeghalayaApril 15, 2021

Ka Dorbar Shnong Khimusniang kala pyntip paidbah ba kino kino kiba don jingthmu ban tei jingtei, ia die ia thied jaka ki dei ban ioh NOC naka bor shnong.

Ka dorbar shnong Khimusniang kala ong ba kino kino kiba ba don jaka ne ïing hapoh pud u sam jong ka shnong, kiba kwah ban Register ne leh Land Holding їa ki jaka ki puta ki jong ki, ki dei ban їoh shuwa їa ka NOC na ka Dorbar Shnong Khimusniang.

Kino kino kiba don jingthmu ban pyntrei їa kino kino ki jait kam, kum kaba shna їing, shna fencing bad kiwei kiwei ki jait jingtrei kiba hap hapoh u pud u sam jong ka shnong ki dei ban pyntip shwa sha ka ophis jong ka dorbar shnong bad ki dei ban їoh ruh їa ka NOC ha shwa ban trei ne leh їa kano kano ka jait kam.

Ha kaba їa dei bad ki nongthied jaka ne die jaka kiba hap ha hapoh u pud u sam jong ka shnong ki dei ban ai jingtip shwa sha ka dorbar shnong bad їa ka Dostabit їa die їa thied dei ban thoh da ka Shnong.

Kiba pynkheiñ ne kiba leh pyrshah їa kitei ki kyndon ba la ong haneng la ki dei ki nongshongshnong ne kiba nabar shnong. Ka Dorbar shnong ka lah ban pynduh їa ki jingdonkam jong ki bad ban thoh ruh sha ki bor jong ka aiñ.

Ha kawei pat ka khubor ka dorbar shnong Khimusniang kala pyntip ba ka shah ban hikai niah kali, hikai niah thuk thuk hapoh u pud u sam jong ka shnong tang hapoh 7am. La kyntu ia kiba hikai niah kali niah thuk thuk ban iatreilang bad ka shnong ban lait na ki jingma jingmynsaw ki nongleit nongwan.