Jingpynshai ka MSSASA halor ka jingshah weng kam bad jinglong dkhot ki 5 ngut

Syllad | The Rising MeghalayaNovember 15, 2019

Na ka bynta ka Association nga kwah ban pynshai halor ka jingmih khubor pyrshah ia ka Meghalaya SSA School Association (MSSASA) ha ki khyndiat sngi kaba iadei bad ka jingbitar ki dkhot ka EC ka MSSASA East Khasi Hills District Unit ha kaba iadei bad ka jingweng kam iaki 5 ngut ki nongialam, ka MSSASA bad halor kane nga don kumne ban pynshai sha baroh ki nonghikai SSA hapoh East Khasi Hills District bad ha ka Jylla hi baroh kawei kiba dei ki dkhot jong ka Meghalaya SSA School Association (MSSASA).

Kaba nyngkong ka long ha kaba iadei bad ka jing weng kam ia ki 5 ngut ki nongkitkam bad ia ki Adviser jong ka Association kam dei ka jinglehdonbor jong nga marwei kum u President ka Sengkmie, hynrei da ka jingiarailang jong baroh ki dkhot na ki District bad Block Unit jong ka Association ha ka General Executive Meeting kaba la long ha ka 8 tarik mynta u bnai hapoh Khasi National Dorbar Hall Mawkhar Shillong kaba na ka liang jong ka Association ka la khot kat kum ka jing pynkupbor ka constitution jong ka Association.

Kaba ar ha kaba iadei bad ka jingkynnoh ba ka Association ka khlem ai lad ia ki dkhot ba la dep weng na ka kam ba ki bat hapoh ka Association kumjuh ruh na ka jinglong dkhot jong ki, kum ka Seng  hi ngi la dep shim da ka lynti ba jynsur haka jingtrei kam bad la iakren bad ki halor kane ka bynta bad ruh ha ka Central Executive Committee (CEC) jong ka MSSASA Sengkmie kaba la long ha ka 18 tarik u Nailur la ai por ia ki katkum ba ki pan ba  kin pyrkhat bad shim ia ka rai bad ruh ban pynshai ha ka General Executive Meeting kaba la dep long ha ka 8 tarik mynta u bnai, hynrei ngi iohi ba kim pdiang ia ka jingkyrpad jong kiba bun ba lang bad ruh ym dei ba ngi pynjahburom ha ki kot khubor kumba la kynnoh bad ym lah ruh ban kynnoh ia ki tyllong khubor hynrei ia kaei kaba ngi la ia rai da ka meeting ka sah hi kaba ngi la iarailang.

“Ngi tip bad ngi pdiang ba phi la dei ki nongtrei kiba la bunsnem ha ka Association bad ngi iaroh ia jingtrei shitom jong phi hynrei ngim  lah pat ban pdiang tang na ka bynta ba phi la trei la bun snem ba phin ia shim kabu ia ka Association ha ka jing treikam bad ha baroh ki liang” bad ngim lah ruh ban pdiang ba phin kynnoh ia ki para nonghikai SSA ba kim dei ki dkhot jong ka Association ba ngi jied nongkitkam ia ki namar baroh ki nonghikai SSA kiba la pyniasoh bad ka Association kidei ki dkhot ba pura jong ka Association bad lah ban jied ia ki kum ki nongkitkam hapoh jong ka Seng namar  kum ka Association ngi jied ia ki dkhot bad ki convener na ka bynta ka jingdonkam bad haba ka Association ka donkam”.

Kaba lai pat, ngim lah ruh ban pdiang ia ka kynnoh ba ka Association ka shu leh kyrkieh ha kaba  iadei bad ka post Advicer hynrei ngi hap ban iaid katkum ka jingdawa jong ka por bad ka jingdawa jong ka kam ia kaei kaba ngi dei ban leh na ka bynta ban pynkhlain bad pynbha shuh shuh ia ki jingtrei kam jong ka Association na ka bynta ka bha ka miat jong baroh ki nonghikai SSA bad ki school SSA hapoh ka Jylla.

Kaba saw, “Ngi iohi ba phi kdew tang ia ki clause kiban Iada ialade hynrei ym ia ki caluse ki ban pynbha ia ka Association hi baroh kawei bad ia baroh Ki dkhot jong ka, kaba kum ka Association ngim lah ban pdiang”.

Kaba San, halor ka jingkhot ia ka General Meeting ha ka 16/11/2019 na ka bynta ka East Khasi Hills District ngim lah ban khang ei ei ia ki nonghikai SSA, hynrei ki para nonghikai SSA ki dei ban sngewthuh bad bishar ia ka nongrim kaba ka General Executive Meeting bad ka Association hi baroh kawei ngi ieng skhem na ka bynta ka jingbha jong phi hi kiba bun kiba lang ym tang ka jingmyntoi jong uwei ar ngut” bad ha kum kane ka por kaba ka Association ka don hapdeng ka jingialeh ia kiba ki issue bad ka Sorkar.

Kum ka Association ngim don por ban sngap ia ka jingkynnoh jong ki katto katne hynrei ngi don la ki kam kiba ngi dei ban leh ban pynbha ia ka jingdonkam jong ngi ki nonghikai SSA uba bun ba lang ban tur shakhmat ia ki jingdawa kiba don ha khmat eh kum ka jingdawa na ka Sorkar ban pynlait noh ia ka tulop kaba dang sah sa 3 bnai kynthih, ka Arrear jong u Snem mang tyngka 2016-17, ka jingpynkynriah napoh State implementation Society shapoh education department bad kiwei kiwei, bad kumba na ka por sha ka por ka MSSASA kam shong kli kti ia ki jingeh jong phi ki para nonghikai SSA bad lyngba ka jingkyrshan ba radbah jong phi ki nonghikai ngi la wanrah ia kiba bun ki jingjop bad kum ka Association, ngin dang iai jop, ngin dang iai trei ban jop ia ki jingeh kiba ngi iakynduh naduh kiba rit haduh kiba khraw bad para nonghikai SSA ba ieid baroh, da ka mynsiem ba sngewrit, ngi iai buh shakhmat ia ka jingngeit bad jingkyrmen ba ka jingiatylli ka long ka bor.

Aristotle C Rymbai |President |Meghalaya SSA School Association, Central Body