Jingsngewnguh na kiba ha ïing ha sem ka khynnah skul ba shah pyniap

Syllad | The Rising MeghalayaMarch 15, 2021

Kiba ha ïing ha sem kila pynpaw ka jingsgewnguh ia ki paralok para jor kiba la kloi ban iarap haka jingjia shah pyniap dusmon ka dkhot ka ing ha ki runar bym lah satia ban ithuh .

Kane ka khynnah kala jah nala ïing naduh ka step 12.3.2021 haka por step haka por ba ka leit skul. Hynrei haduh ka janmeit 6:00 PM kam poi ïing shuh kumta na ka liang ka ïing ka sem ynda ki la iohi ba kam poi ing shuh kumta ki la sdang kulmar.

Hynrei baroh shi meit haka meit 12.3.21 kila ia wad bad pyrshang kylli sha ki paralok ne para khynnah school tad haduh ka meit 13.3.21 khlem poi pyrkhat ki la ioh jingtip pynban ba katei ka khynnah kala shah pyniap ha ki runar bad ka met iap jong ka la leit bret ha kawei ka khlaw ha Ar kilo haka shnong Dkhiah East, East Jaiñtia Hills District.

Ha kum kane ka por ba kum ka ïing ka sem ngi sah umdum la wan iarap ki paralok na jan na jngai ban ia synran lang bad ai jingiarap ia ngi kum ka ïing ka sem naduh ka sngi ba lap iaka met iap haduh ba lah pyndep iaka jingleh niam haka 15.3.2021.

Kumta ngi kum ka ïing ka sem, ngi pynpaw ka jingsngewnguh ia phi ki paralok ba kynthup naduh U Waheh shnong, President bad Secretary VDP Ka shnong Dkhiah East, Ka Jaiñtia Students Movement (JSM) haka jingialam U President Ma Leningstar Rymbai bad U Vice President Ma Skhembhalang Dkhar bad ki dkhot jong ka seng, U Bah L Kharsyntiew Officer Incharge ka Khliehriat Police Station bad ki staff jong u lem bad Ka kong O Tyngkan incharge ka Women Police bad ki staff, ki nongialam shnong, ki para kur bad kiwei kiwei ki paralok na jan na jngai.

Ngi kum ka ïing Ka sem ngim lah ban siew kylliang iaka jingleh bha jong phi iangi, hynrei ngi kitbok kitrwiang ba phin dap biang ha kiliang baroh, ngi kyrmen U Blei un siew kylliang bad kyrkhu iaka jinglehbha jong phi.