Jingsngewnguh na kiba haïing hasem jong i (Late) Shimti Talang

Syllad | The Rising MeghalayaNovember 15, 2022

Ngi na ka liang ka iing ka sem jong i (Late) Shimti Talang i ba la khlad noh ha ka 13 tarik November, 2022, ngi pynpaw ia ka jingsngewnguh ka ba khraw nyngkong eh ia U Blei u ba la kyrshan bor ia ngi ha kum kane ka por ka ba la pynpait ia ki dohnud jongngi. Dei ka jingaiei ba phylla jong U ba ngi kum ka iing ka sem ngin nang ioh ka bor ban shaniah lut ha ka jingieit bad ka jingpyniaid ka ba maian ka jong u.

Na ka bynta ki jingiarap bad ka jingkyrshan ia ka iing ka sem jong ngi, ngi ai khublei kyrpang ia ka Dorbar Shnong Tyndowapung, ka Balang Presbyterian Thadlaboh, ki pastor bad ki nongialam ki ba la duwai bad pyntngen ia ngi hapdeng ki ummat bad ki jingsngewsih.

Ngi sngewnguh ia ka jingwan jngoh ki nongshynshar, ki Minister (Shri Lahkmen Rymbui), M.L.A (Shri Wailadmiki Shylla), M.D.C (Shri Andrew Awhoi Shullai) ia ka iing ka sem jong ngi ha kum kane ka por ka jingduhnoh ia i mei baieit jong ngi.

Ka jingsngewnguh ka kyrsoi ha ki dohnud ki jong ngi ia ka jingpynshngain bad jingpyntngen ka ba ngi la ioh pdiang na kur ki kha, ka kur Talang  bad ka kur Malang, ki paralok parajor bad ki jan iing jan sem ki ba ngim lah shuh ban jer kyrteng iwei pa iwei.

La pyntngen ia ngi da ki khubor sngewlem ki ba ngim lah niew shuh ba ngi la ioh pdiang lyngba ki jingthoh bad ki social media.

Ngim don kyntien shuh kiba biang ban pynpaw ia ka jingsngewnguh jong ngi ia phi baroh iwei pa iwei bad ruh ngim lah ban ai Khublei ia iwei pa iwei na phi. Ngi duwai bad ngi kyrmen ba u Blei un kyrkhu ia phi baroh.

‘Ha kaei kaei baroh to phin ai ka jingainguh: namar kane kein ka long ka mon u Blei ha u Khrist Jisu sha phi’ (2 Thessaloni 5:18)

Kiba burom bad sngewnguh.

Mrs. Riwan Talang, Mrs. Pretty Talang, Mr. Profit Talang, Mr. Eborlang Talang

Ki khun jong i (L) Shimti Talang.