Jop bun kol ka Heibor Iong I FC lyngba ka hattrick u Embolden

Syllad | The Rising MeghalayaDecember 12, 2024

U Embolden Phawa ula khyrwit da ka hattrick kaba la pynlong iaka Heibor-iongi FC ba kanioh khur iaka jingjop kaba bun kol pyrshah iaka Kdohkule haka Thadlaskein Football Leuge kaba pyniaid da ka Thadlaskein Sports Association (TSA) ha madan Wahiajer Stadium haka 11 tarik Nohprah.

Haka jingialehkai ka Heibor Iong-I FC kala pynliem da 5-0 iaka Kdohkule. Lai kol la thep da u Embolden Phawa ula thep haka minit 14, 32, 36 kaba dei artad ka hattrick kaba nyngkong ha kane ka lympung ialehkai, katba u Alwin Phawa ula thep haka minit 22 bad 51.

Atylli kiwei pat ki jingiakhun kila kut da ka jingiakhaid khlem don mano mano ba lah ban pynkhih jar kata Tympang SC pyrshah iaka United FC bad ka Lumkynsaw pyrshah iaka Iawtymblein.

Haka 12 tarik ka jingialehkai kan long hadpeng ka Youngstar Namdong pyrshah iaka United Phyllongingkhaw haka por 10.00 baje mynstep. Ka Nongkhroh rim pyrshah iaka Lumsyrtoh haka por 12.00 baje mynsngi, ka Maya SC A pyrshah iaka Madur SC haka por 2.00 baje nohphai sngi.