Jop bun kol ka Lumbhahdakha, Pammanik haka Third Division ka WJDSA

Syllad | The Rising MeghalayaApril 16, 2022

Ka kynhun ialehkai ka Lumbhahdakha Wahiajer, Pammanik kila jop bun kol haka jingiakhun pyrshah iaka Mookaswan Dongnein bad ka Tpeppale, katba ka Catholic Youth Mihmyntdu kala jop iaka Mupliang haka jingiakhun Third Division Football Tournament jong ka West Jaintia District Sports Association (WJDSA) kaba long ha Kiang Nangbah Stadium haka sngi Saitjain.

Ka Catholic Youth Mihmyntdu kala jop 2-0 kol iaka Mupliang. Ia kine ki kol la thep da u Pyniaid Shadap (45) bad Firsterborn Talang (53).

Kawei pat ka jingiakhun hadpeng ka Pammanik pyrshah iaka Tpeppale, ka Pammanik kala jop da 4-2 kol. Ki kol ka Pammanik la thep da u Emlang Pakma (8, 14) sa mar shikol da Heilangki Suchiang (16) bad u Dawan Pakma (33).

Na kaliang ka Tpeppale la thep da u Wansani Pakma (22) bad Redulent Challam (26).

Ha ka jingiakhun kaba khatduh jong ka sngi ka Lumbhahdakha Wahiajer kala jop 6-0 kol pyrshah iaka Mookaswan Dongnein. Ha kane ka jingiakhun ka Lumbhahdakha kala ñion ha baroh ki liang iaka Mookaswan naduh ba sdang haduh ba kut ka jingiakhun.

Ia kine ki 6 kol ka Lumbhahdakha la tyhep mar ar kol la thep da u Heimonmi Dkhar (13, 70), Gideon Mukhim (34, 60) bad mar shikol la thep da u Clever Lyngdoh (39) bad Kamwamut Pakem (80+2).