Jop bun kol ka Lutituber iakhaid ka Moodymmai bad ka Lamsliarsliar haka Third Division ka WJDSA

Syllad | The Rising MeghalayaJuly 22, 2023

Ka Lutituber Ialong kala jop haduh 9-1 pyrshah iaka Tpeppale haka jingiakhun Third Division Football ka West Jaintia District Sports Association (WJDSA) kaba la pynlong ha madan Kiang Nangbah Stadium haka sngi Saitjain.

Katba ka jingiakhun hapdeng ka Moodymmai pyrshah iakaLumsliarsliar kala wai khlem don mano mano ba ioh pynkhih iaka jar.

Ha ka jingiakhun ka Lutituber Ialong pyrshah iaka Tpeppale la mih paw kawei ka hattrick bad ar tylli ki own goal. U Bankitbor Dhar marwei ula khyrwit saw kol 36’, 60’, 68’ & 69’, ar kol na u Leader Mulieh 18’ & 45’ bad mar shikol Phrangki Dhar 4’, Fredrick Dhar 22’ bad ka own goal Ryngkat Dhar (Tpeppale)  66’.

Kawei pat ka own goal kaba la pynlong iaka Tpeppale ban lait brut ka dei kaba la thep da u Phawame Passah 53’

Haka jingiakhun haka sngi Thohdieng, ka Mookaswan kala jop iakla Pasyih Cultural 1-0 bad ka Umlangshor kala jop 5-1 iaka Loompyrdi Iongpiah.