Jop bun kol ka Madan Thadmuthlong, Khliehshnong Ialong haka Third Div ka WJDSA

Syllad | The Rising MeghalayaAugust 8, 2023

Ka Madan Thadmuthlong bad ka Khliehshnong Ialong kila jop bunkol haka jingialehkai Third Division kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

Katba ka Mulang Ialong bad ka Mookasawan Dongnein kila jop mar ar kol iaka Samaro bad ka Newhill.

Haba phai sha ka jingialehkai ka Madan Thadmuthlong kala pynliem da 12-0 iaka Nangbah Khloopano. U Precious Tang (7′,16′, 36′, 44′) bad u Manhok Suchiang (15′,27′, 38′) ki dei ki ar ngut ki namtam ha kane ka jingiakhun kiba la khyrwit maw kawei ka hattrick.

Nalor u Precious, bad u Manhok u Samsauru Papiah (29′,39′) ula thep ar kol, mar shikol da u Sumar Tang (53′), u Francis Sumer (62′) bad u Phermi Suchiang (63′).

Ka Khliehshnong Ialong ka la pynliem da 6-0 iaka Salaroh. Ki nongthep kol jong ka Khliehshnong Ialong ki long u Sainkiru Pale (4′, 9′), u Shanlang Lyngdoh (12′, 45′), u Ashiel Pale (14′) bad shikol la mih paw ka Own Goal (20′) ba la thep da u Arkini Kyndong (Salaroh).

Shuwa kane, ka Mookaswan Dongnein ka la pynliem iaka New Hill da 2-0. Ia kine ki kol jong ka Mookaswan Dongnein la thep da u June Shylla (50′ & 54′).

Ka Mulang Ialong ka la pynliem iaka Samaro da 2-0. Ia kine ki kol jong ka Mulang Ialong la thep da u Skhemlngki Pale (42′) bad u Rlima Pale (62′).