Jop bun kol ka Madankynsaw, ar tylli kiwei ki jingiakhun rai da ka tie breaker haka Third Div ka WJDSA

Syllad | The Rising MeghalayaAugust 16, 2023

Ka Madankynsaw Mowkyndeng kala jop haduh 7-2 pyrshah iaka Myrjai, ka Pateinki Sabah kala jop salit da 1-0 iaka Lumkhangdong Kyndongtuber haka pre quarter final jong ka Third Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Balang.

Katba ar tylli ki jingiakhun ka Moodop Royal pyrshah iaka Mulang Ialong bad ka Da I Hi Mynsngat pyrshah iaka Iooksi Youth Welfare la rai da ka tie breaker ha kaba ka Moodop Royal bad ka Da I Hi Mynsngat kila khur ia ka namjop.

Baroh saw tylli kine ki kynhun kila buh jaka ialade haka quarter final kaban long haka 18 bad 19 tarik une u bnai Nailar.

Haba phai sha ka ka Pateinki Sabah ka la pynliem iaka Lumkhangdong Kyndongtuber da 1-0. Ia kane ka kol jong ka Pateinki Sabah la thep da u Shngain Shylla haka minit kaba 52′.

Ka Moodop Royal kala pynliem iaka Mulang Ialong da 6-5 haka Tie-Breaker hadien ba ka por ba la buh ka la kut da ka jingiakhaid khlem don mano mano ba ioh pynkhih iaka jar.

Kawei pat ka jingialehkai Da -i-Hi Mynsngat ka la pynliem iaka Iooksi Youth Welfare da 3-2 lyngba ka Tie breaker hadien ba ka jingiakhun haka por ba la buh ka la kut da ka jingiakhun da mar 2-2. Na kaliang ka Da I Mynsngat la thep da u Repilda Muksor 9′ bad Pynskhem Mukhim 22′ bad na kaliang ka Iooksi Youth Welfare lyngba u Pyrshang Tangliang 34′ bad Khatarbor Suchiang 41′

U Dangri Phawa ula kylla long u namtam ha kaba ula khyrwit iaka hattrick da ki lai tylli ki kol kiba ula thep 23′, 50” bad 60′ kaba la lam lynti ruh iaka Madankynsaw Mowkyndeng ban khur iaka namjop kaba bun kol. U Albert Sariang 37′ & 79′, u Fernando Sayoo 40’+2 bad u Philemon Lamare 65′.

Ar kol na kaliang ka Myrjai la thep da u Treilang Kyndait 12′ bad u Jumonki Phawa 58′

Ka jingiakhun Quarter Final kan long haka 18 tarik bad 19 tarik une u bnai.

Haka 18 tarik Nailar, ka jingiakhun Quarter Final kaba nyngkong kanlong hapdeng ka Madan Thadmuthlong bad ka Mookyrdup haka por 3.00 baje janmiet.

Haka 19 tarik Nailar, kan long hapdeng ka Mukhla Umlangchor bad Newhill haka por 11 AM, ka Pateinki Sabah bad ka Moodop Royal haka por 1.00 baje nohphai sngi. Ka Madan kynsaw Mawkyndeng bad Da -i-hi Mynsngat haka por 3.00 baje janmiet.