Jop bun kol ka Mulang bad Moodymmai haka Third Div. ka WJDSA

Syllad | The Rising MeghalayaJuly 17, 2024

Ka resol haka jingiakhun Third Division Football haka 17 tarik Naitung, ka long ba ka Mulang Ialong, Dongnein Sohmynting, Madan Thadmuthlong bad ka Moodymmai kila khur namjop.

Ia kane ka jingialehkai la pyniaid da ka West Jaintia District Sports Association (WJDSA) ha Kiang Nangbah Stadium.

Ha ba phai sha ka jingialehkai, ka Mulang Ialong pyrshah iaka Loompyrdi Iongpiah, ka Mulang Ialong kala khyrwit 6-0 kol ban khur iaka namjop. Ia kine ki kol la thep da u Share Mulieh (15) Share Shylla (30), Richard Dhar (42, 52), Poisuk Dhar (45) bad Dangait Mulieh (62).

Ha kawei pat ka jingiakhun, ka Dongnein Sohmynting kala pynliem iaka Nangbah Pohshnong da 5-0. Ia kine ki kol la thep mar ak kol da u Chemi Lyngdoh (26, 39″, u Wanki Kyndait (33, 56) bad u Nidawan Kharlukhi (38).

Ka Madan Thadmuthlong kala pynliem iaka Pynthor Langtein da 1-0. Ia kane ka kol la thep da u Precious Tang (65).

Haka jingiakhun kaba khatduh jong ka sngi, ka Moodymmai kala jop da 6-0 Mustem East. U Enrique Pariat (8, 45, 50 & 52) u kylla long u namtam ha kane ka jingiakhun hadien ba ula khyrwit saw kol bad ka dei ruh artad ka hattrick kaba nyngkong kane ka lympung. Ar kol la thep da Solomon Chullai (6) bad u Ebenezer Slong (70).

.