Jop bun kol ka Myrjai haka Third Div ka WJDSA

Syllad | The Rising MeghalayaJuly 19, 2023

Ka Myrjai SC kala jop bun kol pyrshah iaka Salaroh da 5-0, katba ka Lumbhahdakha kala jop 3-1 iaka Catholic Youth haka Third Division Football ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

U Treilang Kyndait ula lam lynti iaka Myrjai ban khur ia kane ka namjop ba bunkol hadien ba ula khyrwit da ka hattrick 26′, 65′, 69′. Mar shikol la iarap thep da u Lamphrang Kyndait 15′ bad Jumonki Phawa 23′.

Ki lai kol ka Lumbhahdakha la thep da u Daeimitre Suchiang 42′, 46′ bad shikol da u Gideon Mukhim 52′. Shikol ka Catholic Youth la thep da u Arki Tariang 52′.

Shuwa kine ki ar tylli ki jingiakhun, ka Mookaswan Dongnein kala iakhaid bad ka Chyrmang Wah da 1-1. U Tei Lyngdoh 65′ jong ka Mookaswan Dongnein ula thep iaka kol ban pyniakhaid. Shikol jong ka Chyrmang Wah la thep da u Arkiru Bang 42′.

Ha jingïakhun kaba khatduh jong ka sngi, ka Nangbah Pohshnong ka la pynliem da 2-1 ïaka Nonglatem. U Bah Rang Lyngdoh 41′ bad u Riyo Dhar 46′ kila thep mar shikol. Iaka kol ka Nonglatem la thep da u Tomi Lamare 19′.