Jop bun kol ka Nongdawah iaka Najan-hi haka invitation football tournament ka Wahiajer

Syllad | The Rising MeghalayaSeptember 30, 2024

Ka Nongdawah kala jop haduh 5-1 iaka Najan-hi FC haka 8th Invitation Knock Out Football Tournament kaba pyniaid da ka Wahiajer Sports Club ha madan Wahiajer Sports Complex haka 30 tarik Nailur.

Ha lyndet kane ka nam jop ba bun kol ka Nongdawah, ka dei hadien ka jingialehkai bha u Shano Tariang, uba la khur ruh iaka khusnam man of the match ha kane ka jingialehkai. U Shano Tariang marwei ula thep ar kol kaba la mynsiem iaka kynhun baroh kawei ban khur iaka namjop. Kine ki kol kiba ula thep kila wan haka minit kaba 46 bad 68.

Shuwa kine ki ar kol, shikol kala mih paw haka dur ka own goal kaba la thep da u Streamly Phawa (7), nalor ka kol kaba la thep da u Nickelson Bina (20) bad u Chanmitre Thma (79).

Ka Najan-hi FC ha kane ka jingiakhun kala iohshuwa ban pynkhih iaka jar lyngba u Kamjuhi Phawa (4), pynban hadien ka own goal kaba la wanrah iaka jingiakhaid, kala shah ban bor pynban haka nongialehkai ka Nongdawah.