Jop bun kol ka Pyrdung iaka Mulait Bri Sumer, ka Mulait Utd iaka Jalaphet Bri Sumer haka Super Div ka Saipung SBA

Syllad | The Rising MeghalayaNovember 23, 2024

Ka Pyrdung SC kala jop bun kol da 6-0 iaka Mulait Bri Sumer, katba ka Mulait Utd kala pynliem da 1-0 iaka Jalaphet Bri Sumer haka Super Division Football Tournament kaba pyniaid da ka Saipung Block Sports Association kaba long ha madan Lamyrsiang haka 23 Naiwieng.

Ha lyndet ka jingioh khur jingjop ba bun kol ka Pyrdung kala wan lyngba ka hattrick kaba la ioh khyrwit da u Rahul Bareh (14, 27, 35), ar kol da u Phrangsngi Pakem (17, 42), bad Ker Syrti (39).

Ka Mulait United SC kala pynliem da 2-1 iaka Jalaphet Bri Sumer.

Iaki kolna kaliang ka Mulait United la thep da u Rungsing Muingo (22) bad Arki Bareh (77), katba ka shikol jong ka Jalaphet Bri Sumer la thep da u Das Dkhar (82) lyngba ka penalty.

Haka 25 tarik Naiwieng ka jingialehkai kan long hadpeng ka Narwan SC vs Shnongrim SC haka por 11.30 baje mynstep, ka Tluh SC vs Pyrdung SC haka por 1.30 baje nohphai sngi.