Jop bunkol ka Rymbai Madanpynriang, Ladrymbai Dongwah da ka tie breaker jam sha ka semifinal 2nd Div ka EJHDFA

Syllad | The Rising MeghalayaSeptember 21, 2024

Ka Rymbai Madanpynriang bad ka Ladrymbai Dongwah kila jam noh sha ka kyrdan semifinal haka kyrdan 2nd Division Football Tournament kaba pyniaid da ka East Jaintia Hills District Football Association (EJHDFA).

Kane kala wan hadien ba ka Rymbai Madanpynriang kala jop haduh 9-0 pyrshah iaka Lumphuthoi SC bad ka Ladrymbai Dongwah kala jop iaka Umlyngsha Youth SSC da ka tie breaker da 3-2 haka jingiakhun quarterfinal kaba long ha madan artificial turf ha Diengshynrum haka 21 tarik Nailur.

Ha lyndet ka namjop ka Rymbai Madanpynriang kane kala wan da ka jinglah ialehkai bha ki player jong ka ha kaba la jan baroh ki synniang sha ka kynhun kaba la mynsiem iaka ban khur iaka namjop kaba bun kol. U Obadaia Bareh ula khyrwit iaka hattrick hadien ba ula thep marwei lai kol (40, 51, 72), ar kol na u Dilangki Dkhar (53, 75) Mebakyrkhu Dkhar (14), Banieng Thoo (37), Phirip Lyngdoh (45) bad u Babit Thoo (63).

Katba ka jingiakhun kaba bud hapdeng ka Ladrymbai Dongwah pyrshah iaka Umlyngsha ka jingiakhun haka por kaba la buh kala wai da kaba iakhaid. Dei haka jingshut penalty ka Ladrymbai kala jop.

Da kane ka namjop ka Ladrymbai Dongwah bad ka Rymbai Madanpynriang haka aiom ialehkai ban wan kin ialehkai haka 1st Division.