Jop HUCC bad ka Ummulong haka Open to All T20 Cricket ka AJCA

Syllad | The Rising MeghalayaFebruary 22, 2022

Ka Ummulong bad ka HUCC kila khur jingjop ha ka lympung ïalehkai Open To All T20 Cricket Tournament 2022 kaba pynïaid da ka All Jaintia Cricket Association ha madan Jrisalein haka sngi ba Ar.

Ka HUCC ka la pynliem ïaka Khimusniang da 9 wicket, katba ka Ummulong kala pynliem iaka Moodymmao da 5 run.

Haba phai sha ka jingiakhun ka HUCC pyrshah iaka Khimusniang ka la jop ïaka jingkynting pisa bad ka la ailad ïaka Khimusniang ban tied nyngkong. Ka Khimmusniang ka la lah ban tied 128 run na ki 19.2 over bad hap baroh ki wicket.

U Nibiangmon Sutnga ula kamai 52 run na ki 32 ball bad na ka liang ka HUCC u Yoomi Patwet ula pynhap 4 wickets na ki 3 over.

Ka HUCC haba wan ban beh ïaka thong ka kamai 132 run naka 11.1 over bad hap 1 wicket.

U Yoomi patwet ula lah ban kamai 64 run naki 27 ball bad na ka liang ka Khimmusniang u R. Syih ula pynhap 1 wicket naki 2 over.

Ïaka nam Man of the Match la ïoh da u Yoomi Patwet.

Haka jingïakhun kaba ar ka Ummulong kaba jop ïaka jingkynting pisa bad kam trai ban tied nyngkong bad lah ban kamai 119 ron na ki 20 overs bad duh noh 7 wickets.

U Carefully Gassah ula ïoh 38 runs na ka 40 ball bad na ka liang ka Moodymmai u Daowan Passah ula ïoh 3 wickets na ki 3 overs.

Ka Moodymmai haba la poi ka pali ban beh iaka kala lah ban kamai tang 114 runs naka 20 overs bad duh noh 9 wickets. U C. Laloo ula tied 24 runs naka 21 ball bad na ka liang ka Ummulong u C. Shylla bad u S. Lamare ki la ïoh mar 3 wickets naki 4 over.

Ïa ka nam ‘Man of the Match’ la ïoh da u Carefully Gassah jong ka Ummulong uba la ïoh 38 run 1 wicket.