Jop ka 12 Dolloi FC rah syndon 1st Open to All Veteran Football Tournament

Syllad | The Rising MeghalayaDecember 9, 2023

Ka 12-Dolloi FC kala jop da 2-0 iaka Ar Dolloi FC haka jingiakhun final bad rah syndon iaka nam lahduh ka 1st Open to All Veteran Football Tournament ba la pyniaid da ka East Jaintia Hills District Football Association (EJHDFA) kaba la long ha madan artificial turf Diengshynrum, Khliehriat haka 8 tarik Nohprah.

Ia kine ki ar kol la thep da u Gerald Pdang haka minit kaba 32′ bad u Rapdamewan Papang haka minit kaba 57′.

Ha kane ka sngi iaki khusnam sha ka kynhun nongjop bad kynhun ba wan ba Ar la sam da u Ma Andrico Rymbai Advicer ka EJHDFA) bad u Ma Joshua Sajem Vice President EJHDFA haka jingdonlang u Ma James Sutnga, Working President, East Jaintia Hills District Football Association.

Ka 12-Dolloi FC ka la ioh khur iaka song pisa kaba 30 hajar tyngka katba ka Ar Dolloi FC ka la ioh iaka song pisa kaba 20 hajar tyngka ryngkat ka Trophy.