Jop ka 3rd MLP 13-1 kol iaka Urban Affairs haka inter office football ka MSGEF

Syllad | The Rising MeghalayaNovember 25, 2021

Ka 3rd MLP Battalion kala jop kut haduh 13-1 kol pyrshah iaka tnad Urban Affiars XI haka jingiakhun football Inter Office kaba la tip kum ka 8th U Kiang Nangbah ME Trophy kaba long ha Kiang Nangbah Stadium haka sngi Palei.

Ha kane ka jingjop bun kol ka 3rd MLP la mih ar tylli ki hattrick kiba la khyrwit da u Lammi Da Ohi Passah (7,51,56) bad u Ramos Ingti (15,18,34).

U Rangkynsai Syiemlieh bad Lumlangstar Nongpluh kila khyrwit mar ar kol (22, 26, 72, 75) bad mar shikol na u Embhalang Suiam (62) bad Bahunlang Gashnga (45) bad Shemphang Mawlieh (65)

Iaka shikol ka Urban Affairs, kala wan mih paw da ka jingbakla thep (own goal) kaba la thep da u Pynshai Myrshiang (42). Kine ki 13 kol kala biang pura iaka 3rd MLP ban khur iaka namjop kaba bunkol ha kane ka lympung.