Jop ka 7 Wasa bad Ladthadlaboh haka Super Division ka WJDSA

Syllad | The Rising MeghalayaNovember 9, 2024

Ka 7 Wasa bad Ladthadlaboh kila khur jingjop haka jingialehkai Super Division Football Tournament-U Kiang Nangbah Memorial Trophy kaba pyniaid da ka West Jaintia District Sports Association (WJDSA) kaba long ha madan Kiang Nangbah Stadium haka 9 tarik Naiwieng.

Haka jingialehkai kaba nyngkong, ka 7 Wasa kala pynliem da 4-0 iaka Sailung Iaiong. Ia kine ki kol ka 7 Wasa kala thep haka kylla miet lyngba Niewkor Sana (60), Teiborlang Malang (72) bad Jeff K. Rymbai (84, 90).

Haka jingialehkai kaba ar, ka Ladthadlaboh kala jop da 2-0 iaka Mukhla Raij. Ia kine ki ar kol la thep shikol haka kylla step lyngba u Promise Suting (39) bad kaba ar kala wan haka kylla miet lyngba u Dowell John Shylla (79).

Haka 11 tarik Naiwieng ka jingialehkai kan long hadpeng ka Shangpung Lumiawmushai bad Wahiajer haka por 11.00 baje mynstep.