Jop ka 7 Wasa bad Nangbah Mulang haka Super Div ka WJDSA

Syllad | The Rising MeghalayaNovember 18, 2024

Ka 7 Wasa kala jop da ka 6-1 iaka Lumiawmuchai Shangpung, katba ka Nangbah Mulang kala pynliem 1-0 iaka Ladthadlaboh haka Super Division Football Tournament kaba pyniaid da ka West Jaintia District Sports Association (WJDSA) kaba long haka 18 tarik Naiwieng ha Kiang Nangbah Stadium.

Haba phai sha ka jingialehkai hapdeng ka 7 Wasa bad Lumiawmuchai kala jingialehkai haka kylla step kala iakhaid mar shikol. U Samuel Sumer (16) ka 7 Wasa ula ioh thep iaka kol kaba nyngkong, hynrei Lumiawmuchai kala ioh ban tan kylla sha kaba iakhaid lyngba u Raplanglangki Shullet (30).

Dei haba bteng iaka jingialehkai haka kylla miet ka 7 Wasa ka thep sa san kol lyngba u Jeff K Rymbai (71), Niewkor Sana (75), Dawan Malang (82), Embor Lamare (85) bad u Syndong Lymgdoh (90)

Haka jingialehkai kaba bud ka Nangbah Mulang kala jop da 1-0 iaka Ladthadlaboh. Kane ka shikol ka Nangbah Mulang kala wan haka kylla miet lyngba u Dashngain Sukhlain (81) kaba long ka kol jop.