Jop ka 7 Wasa Utd 3-1 iaka Nangbah Mulang haka Super Div ka WJDSA

Syllad | The Rising MeghalayaSeptember 12, 2022

Ka 7 Wasa United kaba wan haka kyrdan kaba hakhliehduh haka miej iakhein poin kala iai bteng ban khur namjop hadien ba kala pynliem iaka Nangbah Mulang da 3-1 haka super division football kaba pyniaid daka West Jaintia District Sports Association (WJDSA) kaba long ha Kiang Nangbah Stadium haka sngi Nyngkong.

Shuwa kane ka jingiakhun ka 7 Wasa ka don 15 poin bad da kane ka nam jop kala kiew 18 poin, bud ka Ladthadlaboh ka Mynthong 13 bad 10 poin. Ka Nangbah Mulang kala neh 10 poin

Ha ka jingiakhun kaba long mynta ka sngi ia kine ki 3 kol ka 7 Wasa la thep da u Nymphang Sumer (14, 45+2) bad u Dashngain Sukhlain (85). Shikol ka Nangbah Mulang la thep da u  Rihok Tyngkan (72).

Lashai ka sngi ka jingïakhun kan long hapdeng ka Shangpung Lumïawmuchai pyrshah ïaka Sohmynting haka por 3.00 baje nohphai sngi.