Jop ka Amity bad ka Moodymmai haka T20 Cricket ka AJCA

Syllad | The Rising MeghalayaFebruary 26, 2022

Ka Amity bad ka Moodymmai ki la khur jingjop haka lympung ïalehkai Open to all T20 Cricket Tournament 2022 ka All Jaintia Cricket Association (AJCA) kaba long ha madan Jrisalein Chutwakhuhaka sngi Thohdieng.

Ka Amity (L) Nissan Laloo kala pynliem ïaka Khimmusniang da 19 run. Ka Amity ka la lah ban tied haduh 206 run na ki 20 over bad hap noh 7 wickets.

U Chamitreman Lamare ula kamai 87 run naka ka 43 bol katba u Richard Paswet jong ka Khimmusniang ula pynhap 3 wickets naki 4 over.

Ka Khimmusniang haba beh iaka thong kala kamai186 run naka 20 over bad hap noh 4 wicket. U Jeffrey Litting ula kamai 51 run naka 35 bol.

Ïaka nam ‘Man of the Match’ la ïoh khur da u Chamitreman Lamare jong na Amity uba la kamai 87 run naki bol.

Haka jingïakhun kaba ar ka Moodymmai ka la pynliem ïaka Umshangiar da 7 wicket.

Ka Umshangïar kaba la jop ïaka jingkynting pisa ka la lah ban tied 113 run na ki 17.2 over bad hap noh baroh ki wickets.

U Kyntu Laloo ula ïoh 45 run naka ka 21 bol katba u Bichar Lamare bad u Heimonlang Lyngdoh jong ka Moodymmai ki la pynhap mar 4 wicket.

Ka Moodymmai haba beh ïaka thong ka la lah ban tied 115 run naka 12.5 over bad hap noh 3 wicket.

U Bichar Lamare ula kamai 66 run naki 43 bol bad pynhap 4 wicket na ki 4 over ula ïoh ïaka nam ‘Man of the Match’.