Jop ka Amity CC iaka Umshangiar da 7 wicket

Syllad | The Rising MeghalayaMarch 22, 2022

Ka Amity Cricket Club ka jop da 7 wickets ïaka Umshangiar haka lympung ïalehkai U-19 Boys’ Cricket League ka West Jaintia Cricket Association ha madan Jrisaleiñ Chutwakhu, Jowai haka sngi Nyngkong.

Ïaka jingkynting pisa ne toss la jop da ka Umshangiar bad ka la kam trai ban tied nyngkong bad ka la kamai 80 run bad hap baroh ki wicket.

U Kamohi Najiar ula lah ban tied 15 run na ki 20 bol katba u Damehi Rangad jong ka Amity ula pynhap 2 wickets naki 3 over. U Puraki Shadap Passah ula pynhap 3 wicket naki 5 over bad u Chanlangki Lypon ula pynhap 3 wicket naki 4 over.

Haba beh ïaka thong ka Amity ka la kamai 84 run. U Riata Lytan ula kamai 37 run katba u Puraki Shadap Passah ula kamai 15 run khlem hap (not out) .

Na ka liang ka Umshangiar u Tremi Phawa ula pynhap 1 wicket naka 3.4 over bad u Rishanmi Niangti ula pynhap 1 wicket na ki 3 over.

Ïaka nam of the Match la ioh da u Puraki Shadap Passah uba la pynhap 3 wicket naki 5 over bad kamai 15 runs khlem hap (not out) .