Jop ka Amlanai Youth Boy’s bad ka Tyllilang Amsalang haka football ka ASSA

Syllad | The Rising MeghalayaNovember 20, 2024

Ka Amlanai Youth Boy’s bad ka Tyllilang Amsalang kila khur nam jop haka jingialehkai football haka kyrdan Upper Division bad Lower Division kaba pyniaid da ka Amlarem Sub Divisional Sports Association (ASSA) ha madan Mini Stadium Ladjaplem, Amlarem haka 20 tarik Naiwieng.

Haka jingialehkai Upper Division, ka Amlanai Youth Boy’s kala pynliem iaka Syndai Kmaishnong da 2-1. Iaki kol jong ka Amlanai Youth Boy’s la thep da u Mererbor Langsiang (1) bad u Bhalangki Mukhim (46). Katba ka shikol jong ka Syndaikmaishnong la thep da u Cheling Khynda (26).

Haka kyrdan Lower Division, ka jingialehkai hapdeng ka Tyllilang Jung U Chen bad Krangpamtadong SC kila iakhaid khlem don mano mano ba ioh pynkhih jar.

Ha kawei pat ka jingialehkai ka Tyllilang Amsalang kala pynliem iaka Nongtalang Thymmai da 1-0 bad ia kane ka kol jong ka Tyllilang Amsalang la thep da u Maia Lyngdoh 39.