Jop ka Amlarem bad ka Pdengkarong haka Super Div ka ASSA

Syllad | The Rising MeghalayaNovember 19, 2023

Ka Amlarem Social Club bad ka Pdengkarong YC kila jop haka jingialehkai Super Division Football League kaba pyniaid da ka Amlarem Sub Division Sports Association (ASSA) kaba long ha madan Ladjaplem kaba long haka sngi Saitjain.

Haba phai sha ka jingialehkai ka Amlarem Social Club ka la pynliem da 1-0 iaka Thangbuli YSWC. Ia kane ka kol la thep da u Iaid Jungai haka minit kaba 63′.

Ka Pdengkarong YC kala jop da 1-0 iaka Umladkhur. Kane ka shikol kala wan tang hapoh 7 minit lyngba u Special Nongrum bad kane ka kol kala neh haduh bala kut ka por ialehkai.

Haka 21 tarik Naiwieng, ka jingiakhun kan long hapdeng ka Jarain C&SC bad ka Man I-Bha SC haka por 2.30 baje nohphai sngi.