Jop ka ASHA Payment App 12 klur la dep siew iaka pisa sha ki nongtrei ASHA

Syllad | The Rising MeghalayaDecember 28, 2022

Ka ASHA payment mobile application ka ba nyngkong, ia kaba la plie paidbah da ka sorkar Meghalaya ha u bnai Lber 2022, kala wanrah ka jingbha. Naduh ba la plie paidbah ia kane ka app la dep ban siew haduh 12.2 klur tyngka sha ki nongtrei ASHA ha kylleng ka jylla. Shuh shuh, kane ka application kala pynduna iaka por ban siew ia ki jingsiew sha kine ki nongtrei ka koit ka khiah na ka 120 sngi sha ka 5 sngi.

Da ka jingthmu ban pynsuk iaka rukom siew tulop bad ban pynthikna iaka jingsiew haka por ba biang sha ki nongtrei ASHA, ka sorkar Meghalaya kala plie paidbah iaka ASHA payment mobile application la kumba 9 bnai mynshwa. Shwa ban lap ia kane ka buit technology, ka jingsiew ka long ka ba slem bad eh kaba shim por palat 4 bnai eiei, nalor ba ka tuh iaka por, hap leit rah iaki kot ki sla bad ka rukom jingpynshisha.

“’Ka sorkar jong ngi kala buh hakhmat eh iaka koit ka khiah bad uwei na ki rishot baskhem jong ka koit ka khiah ki dei ki hajar ngut ki nongtrei ASHA ha kylleng ka jylla. Kila shim iaka mat ba kongsan ha ka ban wanrah iaka jingjop iaka Meghalaya pyrshah iaka khlam Covid-19. Da kaba pynsuk bad pynstet iaka jingsiew tulop iaki nongtrei ASHA ka long kaba rit tam kaba ngi lah ban leh ban siew kylliang iaki jinglen lade bad jingtrei shitom ka jong ki. Nga sngewkmen ba ngi la pyntreikam iaka buit technology ban plie paidbah iaka ASHA Payment App bad ban lah ban weng iaki jingeh bad jingjynjar jong ka rukom siew ulop ba palat 4 bnai sha ka hapoh shi taiew, kaba pynlong ia ka ban kham pynsuk da ka kaba shu ñion ia u budam”, ong u Conrad Sangma, u Myntri Rangbah ka jylla haba ai khublei iaka kynhun baroh na ka bynta kane ka buit technology.

Ka jylla Meghalaya, ia kaba la ju bna nam kum kaba shim jait na ka kmie ka don palat 14 lak ngut ki kynthei haka jingdon briew. La pyntreikam iaka ha Meghalaya ha u snem 2005 da ka National Health Mission (NHM). Ki nongtrei ASHA ki dei ki kynthei kiba shakri hakhmat eh na ka bynta ki baduk bajynjar ha ki thain nongkyndong. Ki don kumba 7,000 tykki ki shnong ha Meghalaya, ka jylla haduh mynta ka don 7067 ki nongtrei ASHA, ha kaba man la ki shnong ki don la kumno kumno iwei i nongtrei ASHA da ka jinggthmu ban ai iaka jingsumar kaba bha, batad bad bastet iaki briew ha nongkyndong. Ki nongtrei ASHA ki kwah ban kyntiew iaka jingtip paidbah bad ban ai ki jingpynbna halor ki jingdonkam iaka koit ka khiah kaba paka, kum ki jait jingbam batei, ka jingleh khuid bad ka jingkhuid jingsuba. Ki ju kren halor ka jingdonkam ban shim kabu bad pyndonkam hok iaki lad jingsumar ka tnad ka koit ka khiah.

La dep ban phah haduh 80 klur tyngka jong ki snem 2020 haduh 2022, kiba la sahteng la bun snem. La nang pynkiew ruh iaki incentive na ka bynta ki nongtrei ASHA bad ki nongiarap. Ka jingsiew ka jylla iaka tulop jong ki nongtrei ASHA bad ki nongiarap ka long 1500 tyngka bad 500 tyngka shi bnai, bad Ia kane la pynkiew arshah kata 3,000 bad 1,000 tyngka. Mynta ka jingsiew ba ki nongtrei ASHA bad ki nongiarap ka long 7,500 bad 3,250 tyngka shi bnai.

U Additional DMHO, ka Ri Bhoi District, u Dr D Blah, “Hadien bala pyntreikam ia kane ka payment application ha ka District, kala ai mynsiem ia shibun ki nongtrei ASHA namar mynta ki lah ban ioh iaki incentive man ka por bad khamtam ha ka por ba biang, ka bym ju long kumta mynshwa”.

Ka Asha Mobile Payment Application kala long ka atiar ba kongsan na ka bynta ki program official ha ki kyrdan baroh, namar ka lah ban iarap ban tip bad buddien iaki jingsiew jong ki nongtrei ASHA bad ban pynthikna ba kan ym don ka jingpynslem iaka jingsiew iaka tulop jong ki. La sdang pyrshang nyngkong eh ia kane ka app ha Umlong Block ha Ri Bhoi District bad iaka pisa ba dei ban ioh la pyllait sha ki nongtrei ASHA lyngba kane ka app hapoh 5 sngi naduh ka por ba pynmih iaka jingsiew tulop.

Ha kano ka rukom ka ASHA Payment App ka treikam?

Lyngba ka ASHA payment application, ka nongtrei ASHA ka lah ban pan iaka tulop lyngba ka mobile smartphone, laptop, desktop lane lyngba ka jingiarap na ki accountant ka PHC ban shu leh online bad phah sha ka Auxiliary Nurse Midwife (ANM). Ki ANM kin sa phah sha ki Medical Officer ki ban sa pynshisha bad ban phah pat sha ki Block Accountant, ki Block Accountant pat sha ka District bad ka District pat sha ka jylla na ka byntga ka jingsiew beit beit sha ki account jong ki nongtei ASHA. Kane ka rukom baroh kan long online bad kan shimpor tang hapoh shi taiew.

Mynshwa ki iakynduh shibun ki jingeh namar ka jingpynslem ha ka ban siew tulop kiba bun na ki nongtrei ASHA kila pynpaw iala ki jingsngewkmen ia kane ka rukom siew tulop ka ba mynta.

Iwei na ki nongtrei ASHA hapoh ka shnong Jorgin, kala ong tang ban ioh iaka tulop, ngi hap ban pynlut shibun ka por bad ka pisa ban pyndap iaki form bad ka bai leit bai wan ban phah ia ki. Hynrei mynta pat lyngba kane ka app ngim donkam shuh ban leh ia kita hynrei ban shu leh lyngba ka mobile phone ban pan iaka tulop ban ban khmih iaka jingiaid ka kam”.

Mynta la lah ban siew iaki nongtrei ASHA man la ka taiew khlem pynslem. Naduh bala plie paidbah iaka app la lah ban siew 9.14 klur tyngka sha ki nongtrei ASHA ha kylleng ka jylla ha ka por ba biang tang hapoh kattto katne bnai naduh ba la plie paidbah.

Iwei I inongtrei ASHA ha ka shnong Pahamrimai, I kong Tina Mary Sohkhlet I la ong ba ha shwa kane ka app,  ki tulop baroh ki sahteng, ka long kaba eh ia ki ban btegn ia ka kam kum ki nongtrei ASHA. Hynrei mynta ba ngi la don iaka jingsiew online, kiei kei baroh kila kylla iaka ban pynbha bad ngi la nang ioh mynsiem bad sngewkmen ban trei ia la ka kam” ong I kong Sohkhlet. Contributed