Jop ka Azad bad ka Nohron haka football ha Pdengshakap

Syllad | The Rising MeghalayaJanuary 5, 2025

Ka Azad AFC-2 bad Nohron SC kila khur jingjop haka ’11th Secondary School Invitation Football Knock-Out Tournament’ ba la pyniaid da ka Dorbar shnong Pdengshakap haka madan Pdengshakap haka 4 tarik Kyllalyngkot.

Haba phai sha ka jingailehkai ka Azad AFC-2 kala pynrem iaka Amlanai da 4-0.

U Manbhakupar ula lam lynti iaka Azad ban ioh khur ia kane ka namjop lyngba ka hattrick ka (25, 38, 61) katba iaka shikol pat la ioh ban thep da u Kitbok Pale (56).

Haka jingialehkai kaba bud, ka Nohron SC kala pynliem iaka West Jaintia Police da 3-2.

Iaki kol jong ka Nohron SC la thep da u Mon Buam (16), Rishot Dkhar (34) bad Triple Rongi (45). Iaki kol jong ka West Jaintia Police la thep da u B. Myrthong (54) bad B. Sayoo (58).

Ka jingialehkai kan bteng haka 8 tarik Kyllalyngkot hapdeng ka Amlanai Young Boys pyrshah iaka Youngstar SC (Nongtalang) haka por 12.00 baje mynsngi, ka Khublei shibun Enterprises pyrshah iaka Nangbah Mulang SC haka por 2.00 baje nohphai sngi.