Jop ka Byndihati haka 1st Div football ka EJHDFA

Syllad | The Rising MeghalayaOctober 21, 2024

Ka Byndihati CSC kala khur iaka namjop, katba ka Rangad SCSC bad Jalyiah UTD SC
kila iakhaid haka jingialehkai 1st Division Football Tournament kaba pyniaid da ka East Jaintia Hills District Football Association (EJHDFA) kaba long ha madan artificial turf ha Diengshynrum haka 21 tarik u Risaw.

Haba phai sha ka jingialehkai hapdeng ka ka Byndihati CSC pyrshah iaka Moolamanoh SC, ka Byndihati kala tam shakhmat da 2 kol naduh ka kylla step jong ka jingiakhun.

Ia kine ki 2 kol la thep da u Defence Nongtdu (2) bad Inikijuh Shylla (5). Shikol na kaliang ka Moolamanoh SC la thep da u Eriston Dkhar (63).

Shuwa kane, ka jingialehkai hapdeng ka Rangad SC pyrshah iaka Jalyiah UTD SC kala kut khlam don mano mano ba ioh pynkhih jar.

Haka 23 tarik Risaw ka jingiakhun kan long hapdeng ka Pamrakmai SCSC bad Iatyllilang SC Hingaria haka por 12.00 baje mynsngi, ka Mukhaialong SCSC kan iakhun pyrshah iaka Shilliang Umshong SC haka por 2.30 baje nohphai sngi.