Jop ka Chiehruphi Lumsohskie bad ka Tongseng haka football ka Elaka Narpuh SA

Syllad | The Rising MeghalayaNovember 12, 2021

Ka Chiehruphi SYWSC, Lumsohskie FC bad ka Tonseng Narpuh FC kila khur namjop haka lympung ialehkai football ka Elaka Narpuh Sports Association (ENSA) kaba long ha madan shnong ka Umkiang ha ka sngi Thohdieng.

Ka Chiehruhphi SYWSC kala jop pyrshah iaka Sonapyrdi FC 2-1 kol. Iaki 2 kol ka Chiehruphi la thep mar shikol da u Same Rymbai (25) bad u Suting Syrti (49).

Shikol nakaliang ka Sonapyrdi FC la thep da u Daiapherbha Lamare (38).

Haa jingiakhun kaba ar ka Lumsohskie kala jop da 3-0 pyrshah iaka Umkiang (Wakoh). Ia kine ki lai kol la thep mar shikol da u Selukus Dhar (12), Emando Lalooh (23) bad u Rahul Pohtam (45).

Haka jingiakhun kaba lai ka Tongseng Narpuh FC kala jop da 2-1 kol pyrshah iaka Wahiajer Narpuh FC.

La thep ia ki ar kol ka Tongseng da u Dewan Lyngwar (12) bad u Hunlut Lyngdoh (45). Shikol na kaliang ka Wahjaier Narpuh FC la thep da u Nangbha Pohban (39).