Jop ka Chilliangraij, iakhaid 3 tylli ki jingiakhun haka Independence Cup ka WJDSA

Syllad | The Rising MeghalayaJuly 30, 2022

Ki khynnah ialehkai ka Chilliangraij kala jop da 1-0 kol pyrshah iaka Sohmynting, katba lai tylli ki jingiakhun kila wai da kaba iakhaid haka Under-17 Independence Day Cup kaba pyniaid West Jaintia District Sports Association (WJDSA) kaba long ha Kiang Nangbah Stadium haka sngi Saitjain.

Ia kane ka kol jop ka Chilliangraij la thep da Willing Kurbah (6).

Ka jingiakhun hapdeng ka Ladthadlaboh pyrshah iaka Kseh Sylle Ialong bad ka Loomkyrwiang pyrshah iaka Mynthong kala wai khlem don mano mano ba ioh pynkhih jar. Kawei pat ka jingiakhun hadpeng ka Iawmulong Nartiang pyrshah iaka Evergreen kala wai mar 1 kol. Na kaliang ka Nartiang la thep da u Shemhok Phalynki (39) bad na ka liang ka Evergreen la thep da u Ariwotki Dkhar (53).

Haba phai sha ka jingiakhun 2nd Division- 5th Debo Shullai Memorial Trophy, ka West Madan Mustem kala jop da 3-1 kol pyrshah iaka Pynthorlangtein. Ia kine ki lai kol ka West Madan Mustem la thep da u Rilangki Lyngdoh (19), Sumi oo Tariang (49) bad shikol ka dei ka bakla thep kaba la thep da u Wisfull Rasmut (OG 60+1).

Shikol ban lait brut ka Pynthorlangtein la thep da u Wanbiang Bang (43).