Jop ka Chutwakhu iaka Mooknor Thadmuthlong rah syndon iaka Debo Shullai Memorial Trophy ka WJDSA
Ka Chutwakhu Sc kala jop da 1-0 iaka Mooknor Thadmuthlong haka final football jong ka Second Division Football- 6th Debo Shullai Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Nyngkong.
Kane ka shikol kala wan tang hapoh 9′ minit kaba la iaid ka jingiakhun bad kala neh haduh bala kut ka jingiakhun, kaba la biang pura iaka ban rah iaka nam lahduh mynta ka kynti. Ia kane ka shikol la thep da u Luckyness Khyriem.
U kongsan uba wan sakhi ia kane ka final u dei Bah Sanbor Shullai, MLA Shillong South uba dei u para jong u (L) Debo Shullai bad ki ba haiing hasem bad ki dkhot nongkitkam jong ka WJDSA.
La sam ruh iaki khusnam shimet sha u Luckyness Khyriem uba la iohrah iaka nam Man of the match bad Player of the Tournament. Iaka nam Best Goal Keeper la iohrah da u Lalmalsawma Tariang na kynhun Chutwakhu.
Ka nam ‘Top Scorer’ la iohrah da u Chanmitre Dkhar jong ka Lion Sports and Youth Affairs uba la ioh thep 6 tylli ki goal ha kane ka samoi ialehkai.
Facebook
Instagram
Youtube
Twitter
Leave a Reply