Jop ka Chutwakhu, iakhaid ka Mukhla Evergreen bad ka Khliehiongriang haka 1st Div ka WJDSA

Syllad | The Rising MeghalayaOctober 10, 2024

Ka Chutwakhu Sc kala jop da 2-1 pyrshah iaka Sabahmuswang haka jingialehkai 1st Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 10 tarik Risaw.

Ka Chutwakhu ha kane ka jingialehkai kala tam shakhmat da ar kol lyngba u Luckyness Khyriem (7) bad u Sawi o Tariang (49). Shikol na ka Sabahmuswang la thep da u Kerlang Shylla (55).

Shuwa kane ka jingialehkai ka Mukhla Evergreen kala iakhaid bad ka Khliehiongriang da 2-2.

Na kaliang ka Khliehiongriang la thep da u Arwanki Dkhar (19) bad u Basuklang Khonglah (86). Na ka Mukhla Evergreen la thep da u Iaiskhemlang Nongsiej (62) bad Wompher Phawa (83).

Haka 12 tarik Risaw ka jingialehkai kan long hadpeng ka Khimusniang pyrshah iaka Sohmynting haka por 12.00 baje mynsngi. Ka Dulong pyrshah iaka Nangbah Iawmusiang haka por 2.30 baje nohphai sngi.