Jop ka Demthring 4-0 iaka Lumiawmuchai Shangpung haka sngi sdang ka Super Division Football ka WJDSA

Syllad | The Rising MeghalayaNovember 5, 2024

Ka Demthring kala pynliem da 4-0 iaka Lumiawmuchai Shangpung haka sngi sdang ka jingialehkai Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 5 tarik Naiwieng.

U Justerwell Tham ula lam khmat ha kaban thep ar kol marwei kata haka minit kaba 12′, 50′ bad mar shikol da Wadahwa Lato 33′ bad Marshial Nongrum 90′.

Haka jingialehkai kaba bud, ka Nangbah Mulang kala jop da 2-1 iaka Wahiajer.

Mynta ka kynti ka Nangbah Mulang kala long kaba pynkhreh bha bad kiba bun ki phaikhmat sha kane ka kynhun hadien kala lah ruh ban tan ia ki katto katne ki player ka 7 Wasa Utd, ka lahduh mynshem ban aireng ha kane ka lympung.

Ia kitei ki ar kol ka Nangbah Mulang la thep da u Niponghi Sumer 45′ bad Precious Tang 68′, katba ka shikol jong ka Wahiajer la thep da u Riburom Jat 87′.

Haka 7 tarik Naiwieng, ka jingialehkai kan long hapdeng ka Sailung Ialong pyrshah iaka Ladthadlaboh SC haka por 11.00 baje mynstep. Ka 7 Wasa United pyrshah iaka Mukhla Raij SC haka por 2.00 baje nohphai sngi.