Jop ka Demthring iaka Ladthadlaboh, ka Wahiajer iaka 7 Wasa haka Super Div ka WJDSA

Syllad | The Rising MeghalayaNovember 21, 2024

Ka Demthring SC kala jop da 1-0 iaka Ladthadlaboh SC, katba ka Wahiajer da 1-0 kala pynliem iaka 7 Wasa Utd haka Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 21 tarik Naiwieng.

Ia kane ka kol ka Demthring la thep da u Francis Mukhim kaba wan haka minit kaba 78 bad kala long syndon ka kol jop.

Kane ka dei ka ka nam jop ba lai ka Demthing na ki san sien iakhun hadien ba kala mad iaka jingiakhaid shisien bad rem shisien, katba ka Ladthadlaboh mad iaka nam rem kaba ar bad iakhaid shisien pyrshah iaka lahduh mynshem snem ka 7 Wasa.

Ka 7 Wasa mynta ka sngi kala mad noh iaka namrem kaba nyngkong ka haka jingiakhun pyrshah iaka Wahiajer SC da 1-0. Ia kane ka kol jop ka Wahiajer la thep da Budda Rani ha ka minit kaba 86.

Haba phai shaka miej iakhien poin haka jingiakhun kaba mar 5 sien, ka Nangbah Mulang ka dang bat iaka kyrdan kaba hakhlieh duh da kaba kamai 13 poin, bud ka Demthring bad Wahiajer mar 10 poin, 7 Wasa 8 poin, Ladthadlaboh 7 poin, Mukhla Raij 5 poin, Shangpung Lumiawmushai 3 poin katba ka Sailung Ialong kam pat satia ban khie khlieh bad bteng ban khur iaka namrem ha kane ka lympung.

Haka 23 tarik Naiwieng ka jingialehkai kan long hapdeng ka Demthring SC pyrshah iaka Mukhla Raij haka por 11.00 baje mynstep, ka Wahiajer pyrshah iaka Sailung Ialong haka por 2.00 baje nohphai sngi.