Jop ka Dhana bad ka Ladrymbai B haka Super Division ka EJHDFA

Syllad | The Rising MeghalayaNovember 12, 2024

Ka Dhana bad Ladrymbai B SC kila khur jingjop haka Super Division Football Tournament-4th Kyrmen Shylla Contribution Trophy ba la pyniaid daka East Jaintia Hills District Football Association (EJHDFA).

Kane ka la wan hadien ba ka Dhana kala pynliem iaka Rymbai Shkenshynriah SC da 3-1, katba ka Ladrymbai B SC kala pynliem da 2-1 iaka Khliehriat West YWSC haka jingialehkai kaba la long ha madan EJDSA Artificial Turf, Diengshynrum haka 12 tarik Naiwieng.

Iaki kol jong ka Dhana CSC la da u Harita Suchen haka minit kaba 21, Wanlam Kassar 45 bad Pynio Dkhar 61 katba iaka kol jong ka Rymbai Shkenshynriah SC
Shepherd Ksih 24.

Haka jingialehkai kaba bud, ka Ladrymbai B SC kala pynliem da 2-1 iaka Khliehriat West YWSC. Iaki kol jong ka Ladrymbai la thep da u Rimetre Lyngdoh 30 bad Mihsalan Suiam haka minit kaba 71 katba iaka kol jong ka Khliehriat West YWSC la thep da u Dawyoo Bhoi haka minit kaba 76.

Haka 14 tarik Naiwieng ka jingialehkai kan long hapdeng Thangskai Tiger SC bad Sutnga SSCC haka por 11.45 baje mynstep, ka Chiehruphi SYWSC bad Rymbai Iawpynsing SC haka por 2.15 baje nohphai sngi.