Jop ka Dhana bad ka Rymbai Shkenshynriah haka Super Div ka EJHDFA

Syllad | The Rising MeghalayaNovember 15, 2024

Ka Dhana CSC bad Rymbai Shkenshynriah SC kila khur jingjop haka Super Division Football Tournament-4th Kyrmen Shylla Contribution Trophy kaba pyniaid da ka East Jaintia Hills District Football Association (EJHDFA) ha madan artificial turf ka EJDSA, Diengshynrum haka 15 tarik Naiwieng.

Haka jingialehkai kaba nyngkong ka Dhana CSC kala pynliem da 3-0 iaka Ladrymbai B SC bad iaki kol jong ka Dhana la thep da u Shot Swer 32, Pynio Dkhar 87 bad Marki Swer 90+1.

Haka jingialehkai kaba bud, ka Rymbai Shkenshynriah kala pynliem iaka Khliehriat West YWSC da 1-0 bad ia kane ka kol la thep da u Fairdyson Bareh 64.

Haka 16 tarik Naiwieng kan nym don jingialehkai Super Division namar ka jingialehkai semifinal haka kyrdan 1st Division hadpeng ka Wahiajer Narpuh YSSC pyrshah iaka Diengshynrum SC haka por 11.30 baje mynstep. Ka Shilliang Umshong pyrshah iaka Iatyllilang SC Hingaria haka por 2.15 baje nohphai sngi.