Jop ka Dhana bad ka Sutnga haka Super Div ka EJHDFA

Syllad | The Rising MeghalayaNovember 30, 2023

Ka kynhun ialehkai ka Dhana SC bad ka Sutnga SSCC kila bteng ban khurt jingjop haka Super Division Football Tournament kaba pyniaid da ka East Jaintia Hills District Sports Association (EJHDFA) kaba long ha madan phlang plastik Diengshynrum.

Haba phai sha ka jingialehkai, ka Dhana SC kala pynliem da 3-0 iaka Rymbai Iawpynsing. Ia kine ki lai kol ka Dhana kala thep lyngba u Harita Suchen 10′, Pynioo Dkhar 45’+ bad Yeslang Lamo 69′.

Ka Sutnga SSCC kala jop iaka Thangskai Tigher da 2-1. Nakaliang ka Sutnga ia kine ki ar kol la thep da u Neesta Feeco Bamon 14′ bad Onio Sutnga 39′. Shikol ka Thangskai la thep da Sooki Syrti 89.

Haba phai sha ka jingialehkai 1st Open Veteran Football Tournament kala noh pat sha ka semifinal kaba ka jingiakhun kan long haka 5 tarik Nohprah.

Ka semifinal kaba nyngkong kan long hapdeng ka West Jaintia Police pyrshah iaka 12 Dolloi FT haka por 11 am, ka semifinal kaba ar kan long hapdeng ka Ar Dolloi SC pyrshah iaka Tyllilang VFT haka por 1:30 pm