Jop ka Dkhiah East haka 3rd Division ka EJHDFA

Syllad | The Rising MeghalayaSeptember 19, 2024

Ka kynhun ialehkai ka Dkhiah East kala khur jingjop, katba ar tylli ki jingialehkai kila kut da kaba iakhaid haka lympung ialehkai 3rd Division Football kaba pyniaid da ka East Jaintia Hills District Football Association (EJHDFA) kaba long ha madan artificial turf Diengshynrum haka 19 tarik Nailur.

Haba phai sha ka jingialehkai, Dkhiah East SC kala jop da 3-0 pyrshah iaka Mookympad SSCC. Ia kine ki kol jong ka Dkhiah East la thep da u Mihlang Sutnga (52) bad Diwano Nongtdu (58, 63).

Ha ka jingialehkai kaba bud hapdeng ka Umtyra YWSC pyrshah iaka Nongsning Youth SSC kala kut khlem don mano mano ba ioh pynkhih jar.

Kawei pat ka jingialehkai hapdeng ka Umlawang SC pyrshah iaka Moopala SC kala kut mar 2-2. Na kaliang ka Umlawang la thep ia kine ki ar kol da u Lionel Dkhar (14) bad Premus Dkhar (45), katba na ka Moopala SC la thep da u Elohim Nongtdu (16) bad January Pajuh (33).