Jop ka Dongmihsngi Mupyut iaka Pdengkarong haka Super Div ka ASSA

Syllad | The Rising MeghalayaNovember 28, 2023

Ka Dongmihsngi Mupyut kala jop da 1-0 iaka YC Pdengkarong haka jingialehkai Super Division Football League kaba pyniaid da ka Amlarem Sub Division Sports Association (ASSA) kaba long ha Ladjaplem, Amlarem haka sngi Balang.

Ia kane ka shikol jong ka Dongmihsngi Mupyut la thep da u Iaishah Khongmuloh haka minit kaba 13′ bad kane ka kol kala neh haduh ba kut ka jingiakhun.

Haka 29 tarik Naiwieng ka jingiakhun kan long hapdeng ka Seinbhalang Shkentalang bad ka YSWC Thangbuli haka por 2.00 baje nohphai sngi.