Jop ka Dr Norman Tunnel Hospital ban sei ia u pin na u tor

Syllad | The Rising MeghalayaMarch 27, 2025

Ka Dr Norman Tunnel Hospital, Jowai haka miet 26 tarik Lber kala jop ha kaban sei ia u pin uba la tip kum u push pin na ka tor jong uwei u khynnah ba dang 14 snem ka rta.

Kane ka jingjop kane ka hospital ka long ka sienjam kaba ai jingkyrmen ia ki nongpang wat hapdeng ka jingbym don ki tiar kiba biang, hynrei ka jingtbit jingshemphang jong ki doctor bad nurse kane ka hospital ban pyndonkam da ki tiar katba ki don ei ha kane ka hospital kila lah ha kaban ban sei ia une u pin.

La khlieh ia kane ka jingsumar ia une u khynnah da u Dr. Benne bad Dr. Chilling, ka kynhun ki doktor anesthesia kaba lam khmat da u Dr. Ritchie and Dr. Jonathan bad da ka jingiarap u doctor khynnah ne paediatrician u Dr. Ritchie bad u Dr. Prince bad ka Dr D Nongpluh Medical Superintendent ka Dr. Norman Tunnel Hospital kaba la ai mynsiem borbah halor kane ka jingsumar kila jop ban sei ia une u pin uba la sah kut ha u tor na ka liang ka mon.

Une u khynnah uba shah sumar dei na kawei ka shnong kaba hap hapoh ka Thadlaskein Block. Une u khynnah ula nguid ia une u pin haka 25 tarik bad la pynkit ia u nyngkong ha Ummulong CHC, bad la phah mar dor sha Civil Hospital, Ialong nangta la pynkynriah sha Woodland WK Hospital bad haba kut ula poi sha Dr Norman Tunnel Hospital ban ioh ia kane ka jingsumar.

Ka Medical Superintendent kala iathuh ba kane ka jingjia ka dei ka bym ju jia koit, namar ba bunsien la lap ba rung na u pipe bam, hynrei mynta ka kynti une u pin la lap ha u tor kaba la ktah iaka jngring mynsiem une u khynnah.